Mai Bikhar Ke Phir Na Simat Saka

Kabhi mom ban k Pighal gya

Kabhi girte girte Sambhal gya

Wo ban k Lamha Guzer gya

Mere paas se Nikal gya

Usay Rokta b to Kis Tarah

K wo Shakhs itna Ajeeb tha

Kabhi Tarap utha Meri aah se

Kabhi Ashk se na Pighal ska

Sar-e-Rah mila wo Agr kabhi

To Nazar Chura k Guzar gya

Wo Utar gya Meri Ankh se

Mere Dil se Kyun na Utar ska

Wo Chala gya Jahan Chhor k

Main Wahan se Phir na Palat ska

Wo to Sambhl gaya Mujhe chorr k

Main Bikhar k Phir na Simat saka

Tum b Wohi rahy Hum b Wohi rahy

Tum to Bichar Gaye Magar Sapne Wohi Rahy
Mosam Badal Gaye Magar Manzar Wohi Rahy
Hoti Rahein Sargoshian Tanhaion k Saath
Lehrain Badal Gain Magar Sahil Wohi Rahy
Kuch Aisy Taqdeer ne Faislay Kiye
Duaien Badal Gain Magar Daman Wohi Rahy
Hum Chah k b Umar Bhar Nashad hi Rahy
Umr Beet Gai Magar Jazbey Wohi Rahy
Kia Howa jo Rishton ki Pehchan Badal gayi
Hum b Wohi Rahey or Tum b Wohi Rahey...!

Meri Rooh Ki Haqeeqat

Koi Hum Nafs Nahin Hai Koi Raazdaan Nahin Hai
Faqat Ek Dil Tha Apna So Vo Mehrbaan Nahin Hai

Kisi Aur Gham Main Itni Khalish-e-Nihaan Nahin Hai
Gaham-e-Dil Mera Rafiqon Gham-e-Raayegaan Nahin Hai

Meri Rooh Ki Haqeeqat Mere Aansuon Se Poochho
Mera Majlisi Tabassum Mera Tarjumaan Nahin Hai

Kisi Aankh Ko Sadaa Do Kisi Zulf Ko Pukaaro
Barhi Dhoop Par Rahi Hai Koi Saayebaan Nahin Hai

Inhi Pattharon Pe Chal Kar Ager aa Sako to aao
Mere Ghar ke Raste Main koi Kehkashaan Nahin Hai

...

Usy Dil Ka Haal Suna Diya

Bari Purskon thi Zindgi,
Naya Dard Kis ne Jaga dia.
Kisi Bayniaz Nigah ne,
Mari Wahshaton ko Brha dia,
Mary Humsafar ka ye Hukam tha,
K Kalam Us se Main Kam kron,
Mary Hoont Aisy Silay k Phir,
Meri Chup ne Us ko Rula dia..
Mujhy Apny Ishq pe Naz tha,
Magr us k Qoal ka Pass tha,
Mary Chara saz b Ro pary,
Wo Kamal-e-Zabt Dikha dia...
Usay Shair Sun'ny ka Zoq tha,
Mujhy Arz-e-Haal ka Shoq tha,
Isi Zoq-o-Shoq main Aik din
Usay Dil ka Haal Suna Dia!